الشباب العربي

ضحكاية تايهة .. تكتبها الشاعرة والروائية كارمن رحال

جوايه وجع بيقسم فيه
حدش شاف ضحكه معديه
كانت يوماتي تعدي عليه
صباح ومسا تنور لياليه
تاهت ياولاد
بيقولوا خلاص
راحت وخدتهاالجنيه
يكنش كلامهم مرازيه
ولا خلاص
خلصت ايام الحنيه
ماتقولي ياواد انت وهيه
دنيا ومشيالنه بحنيه
تتبغدد وبتفرس فيه
كله مخالف عكس النيه
واللي بيعزف عل الاحساس
بوتر حساس
حظه ياولداه
ماشي ومليون حاجه مألماه
دي عيال وجواز ولوازم
وحجات من ديه
طب ايه يادنيا
بحرك غامق
نهرك مالح
والكل بيطلب حريه
حتي حمام البنيه
بات مكتوف الجناحين
ولايوم لون عل الاغنيه
ديماتناديه يرجع تلاقيه
طول عمره بيعشق حريه
عنوان لسلام ماهو قلب حنان
وهديله بيعزف اغنيه
حدش شاف ضحكه معديه
مالك يازمان
صاير الوان بوشوش ماتبان
ومفيش للحال ابدا مراعيه
وادي جار مظلوم وعيال بتصوم
علي العيش الناشف
احلامهم بس
فرشه طريه
يازمن خوان حزنك الوان
انسانك غاب وملوش ديه
ووشوش غربان اماالغلبان
ده ملهش مكان
انزاحي ياخيبه انتي وهيه
دي وسايط ورشاوي بلكوم
وحجات فاقت كل اسيه
حدش شاف ضحكه معديه
جري ايه يادنيا
تطلعي تنزلي بتقسمي فيه
حتي الحب اللي اترجيته
ووقف علي شباكي ناديته
بعلو الصوت رد عليه
حبك اوهام
كان في الجرنال اعلان عن ضحكه معديه
تاهت من ايام كنت ياانسان
بقلوب مليانه بحنيه
حدش شاف ضحكه معديه
ده زمان مغرور عايش في الدور
يعملها ويسأل ويدور
ويايه بصوت كله أسيه
حدش شاف ضحكه معديه؟!!
والآخر ايه ردوا عليه؟!
علي طبق الفول داير ميدور
افواه بتقول لقمه هنيه
حامداه شكراه
صبحيه تسلم ضهريه
كله بيجري علي الكيف
ومصالح وبتتصالح
ماهي عيشه وايام مرازيه
حد شاف ضحكه معديه
ولامتي هنسكت كده عل الحال
الباب في الباب
وزمن كداب
ولا جار يسأل ولااهل تزور
فينك ياشهامه يامصريه؟!
حدش شاف ضحكه معديه!!

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.