أخبار هامةمصر

قصيده( لو ح اوصفك) للشاعره عواطف درويش

القاهرة .. عواطف درويش
لو ح اوصفك
يبقي الكلام مليون ديوان
والحرف يبقى بحرفنة
ترقص سنابل ف الغيطان
ويا المصانع دندنة
والصورة ترسم خطوتك
ف إيدين ولادنا الشقيانين
متجمعين ف رباط متين
رافعين إيديهم للإله
يدعوه يتمم فرحتك
وادي جيشنا أهو
أبيض ملاك واقف ثبات
قدام وباء طبعا لعين
جواه تحدي، إيمان كبير
إن الأمان يسكن كتير
والخوف يفارق دنيتك
نحكي نقول هما الإسود
حاميين ترابك والحدود
فاتحين بيبان الموت
للي عاوز أو يفكر يجرحك
لو ح أوصفك……
يبقي الكلام مليون ديوان
ولا يوصفك
ياام الضفاير والعيون متغندرة
صورتك بتضوي ف القلوب ومعطرة
أنا لو ح أقول ح أفضل أقول
كل العقول تبقى ف ذهول
ولا ألف غول ح يعكرك
ياأم الرموش زي الجيوش
تحمي، تحوش صوت الهاموش
لو كدّرك
هبة الإله
نيلك ياغالية ومغرمين طول السنين
حافظين كلام المولى
لما بيوصفك
أمن وأمان
لو ح أوصفك يبقي الكلام
مليون ديوان
ولا يوصفك

(adsbygoogle = window.adsby || []).push({});
الوسوم

موضوعات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق